Nakastreken iti maikadwa a round ti 2026 Ningbo Open ni Pinay tennis star Alex Eala.
Daytoy ket kalpasan nga inabak na ni Diane Parry ti France iti score a 6-3, 6-1.
Arigna nakasubbot ti World number 20 a ni Eala kalpasan ti nasapa a panagleppas ti kampanya na iti umuna a round ti Wuhan Open ken ti pannakagun-od na ti bronze medal iti 2026 Asian Games iti Japan.
Dinominar ni Eala ti ay-ayam sipud nangrugi ken saannan a pinagplastar ti French tennis player iti ay-ayam a nagpaot ti maysa nga oras ken 17 a minuto.
Sumaruno a makasango ni Eala ti siasinno man a mangabak iti laban da Yulia Putintseva ken Diana Shnaider.
