Target ti Department of Health (DOH) a mabakunaan ti dua a milyon nga estudyante kontra iti Human Papillomavirus (HPV), ti virus a mangitunda ti cervical cancer, iti babaen ti Bakuna Eskwela program.
Segun ken ni Alethea de Guzman, Department of Health- Epidemiology Bureau Director, agarop 2.007 milyon nga estudyante manipod iti Grade 4 ken 5 kadagiti pampubliko ken pribado a pagadalan ti target da a mabakunaan kontra iti nasao a sakit.
Kuna na a manipod iti nasao a bilang, agarop siyam porsiento ti mapatta-patta nga out-of-school youth wenno saanen nga agad-adal.
Ti Bakuna Eskwela ket tinawen nga school-based immunization program ti Department of Education ken ti Department of Education.
Inpakaammo ni de Guzman a ti agdama nga immunization program ket ididiaya na dagiti bakuna kontra iti cervical cancer, measles, German measles (rubella), tetanus, ken diphtheria.
Innayon na nga agingga di 2022, addan ti 7,829 a cervical cancer cases a nairekord ditoy Pilipinas.
Maibasar iti World Health Organization, dagiti lima a kangrunaan a klase ti kanser iti Pilipinas ket ti breast cancer (28,124 cases), colorectal cancer (7,899 cases), cervical uteri (7,829 cases), thyroid cancer (6,450 cases), ken ti corpus uteri (5,626 cases).
