LAOAG CITY – Kinarit ni Senador Robinhood Padilla dagiti natutured nga opisial ti gobierno kontra iti China a sangoen ken kasarita a personal ni Chinese Ambassador Jing Quan.
Inaramid ti Senador ti panangkaritna kalpasan a nakasaritana a personal ni Ambassador Jing.
Inlawlawag ni Padilla nga awan met ti panagpangta nga inaramid ni Quan kontra iti pagilian.
Kunana a pinuted laeng ti rakurak ni Quan ken saan nga inraman ti ibagbaga ti ambassador a saanda nga aramiden ti riribok gapu ta ad-adda a kalikagumda ti kinakappia.
Innayon ni Padilla nga isuna mismo ket nakisarita a personal ken ni Jing nupay apagbiit laeng ti panagsinnaritada ken karaman iti napagsaritaan ti nagbalin a rakurak ti ambassador.
