Kumpirmadon nga agayan-ayat da Zaijian Jaranilla, agtawen ti 25, ken Gela Atayde, agtawen ti 24.
Iti media conference ti QCinema International Film Festival, immanugot ni Zaijian iti maysa a Real Talk one-on one interview.
Naragsak ti aktor gapu ta ti animated short film na a napaulwan ti “Sana’y Nandito Ka” ket karaman iti festival ita a tawen.
Napintas ti aura ti baro isut gapuna a nasaludsud kenkuana no addan ti pagpitpitikan ti puso na.
Ditoy met nga arigna kilkiligen ti aktor a nangadmitir nga addan ti mangparparagsak ti puso na, a daytoy ket ni Gela.
Inbatad ti aktor a naragsak da ken ni Gela ken nasuruken a maysa a tawen ti relasyon da.
