Naikeddeng a mangisayangkat ti public hearing ti Senate Committee on Finance kadua dagiti mangibagbagi ti civil society organizations (CSOs) inton Lunes, Oktubre 26, tapno trataren dagiti possible a reporma iti proseso ti panang-budget para iti 2027 national budget.
Manamnama nga agserbi ti panagdengngeg kas gundaway tapno maidatag dagiti civil society organizations (CSOs) ti panagsukimatda ken dagiti rekomendasion mainaig iti gakat a national budget, pakairamanan dagiti addang tapno mapapigsa ti transparency, accountability ken pannakipaset ti publiko iti proseso ti panag-budget.
Basar iti naisingasing a sistema ti Senado, napateg a maipaayan ti publiko ti access kadagiti dokumento ken impormasion mainaig kadagiti alokasion tapno mabantayan no kasano a panangtratar ken panangdesision ti panagusar ti pondo ti gobierno.
Pakairamanan kadagiti isyu a manamnama a trataren ket ti kwestionable nga alokasion ken ti kasapulan a siguradoen nga adda nalawag a pangibasaran, lokasion ken pakausaran dagiti proyekto a ponpondoan ti gobierno.
