Napaay ti Golden State Warriors a makagun-od ti balligi kalpasan daytoy nga inabak iti Memphis Grizzlies ifi kalman, Oktubre 25 iti score a 111-108.
Saan a kinabaelan ni National Basketball Association Stephen Curry a bagkaten ti bukodna a koponan gapu iti napigsa a depensa ti Grizzlies aglallalo iti clutch time.
Indauloan ti sharpshooter a ni Ty Jerome ti balligi ti Grizzles a nakagun-od ti 28 a puntos manipud iti naiserrek ti field goals.
Dakkel met ti naitulong ti double-double ni Grizzlies forward Cameroon Boozer a nakagun-od ti 25 a puntos ken 13 a rebounds tapno maiyawid ti koponan ti balligi.
Para iti Warriors, nalimitaran laeng ni Curry iti lima field goals manipud iti 15 nga inparuk-atna kabayatan a perfect 11 iti free throw lane.
Nupay kasta, immabot iti 12 nga steals ti naaramid ti koponan, saanen a naisalbar pay ti nadakamat a pannakaabak kalpasan a dimmakel ti 38 dagiti naaramidna daytoy a turnover iti intero a laban.
Nagleppas met iti 18 a puntos ken 13 a rebound ti all-around rookie ti koponan a ni Yaxel Lendeborg kabayatan a lima taeng ti nagun-od ti specialist a ni Draymond Green.
Daytoyen ti maikadua nga match a napaay ti Golden State Warriors kabayatan a maikadua met a balligi ti Memphis iti nadakamat nga ayayam.
