LAOAG CITY – Inarestar dagiti otoridad ti journalist a ni Philip Lustre Jr., gapu iti sangsangoenna a kaso a cyberlibel.
Indasar dagiti kapulisan ti warrant of arrest nga inparuk-at ti korte iti Davao City iti Quezon City, no sadinno a nagatendar daytoy iti maysa a forum.
Ni Lustre ti adda iti likudan ti libro a “Kill, Kill, KIll” a maipanggep iti drug war ni dati a Presidente Rodrigo Duterte.
Mainaig iti daytoy, kinuna ni Atty. Dino De Leon, abogado ni Philip Lustre Jr. nga awan ti pagaamo ni Lustre nga adda ti naipila a kaso kontra kenkuana.
Kabayatanna, manamnama ti panangipila ti kampo ni Lustre ti motion to quash tapno ideklarar a null wenno invalid ti nasao nga arrest order a naipila kontra kenkuana.
