Mangiysuwat ti City Tourism Office ditoy siudad ti Laoag ti nagduduma nga aktibidad para iti Halloween 2026.
Segun ken ni Mrs. Mary Jane Leaño, mangidadaulo ti Laoag City Tourism Office, a daytoy ket maiyuswat inton Oktubre 30.
Kunana a dagitoy nga aktibidad ket pakairamanan ti Trick-or-Treat, a maitampok dagiti agkakapintas a bado nga isuot dagiti ubbing ti day care center, Cosplay dagiti nagduuma a karakter, 4×4 competition dagiti lugan, ken ti motocycle competition.
Inlawlawagna a gagem daytoy ket pset ti panangselebrar ti Halloween 2026.
Innayonna nga adda dagiti pannakikoordinarda kadagiti nagduduma nga establisimiento tapno makipaset iti aktibidad.
Kabayatanna, ginutigot ni Leaño amin nga umili gapu ta silulukat daytoy iti amin ken kas maysa a wagas a makapag-bonding dagiti pamiliya kasta payen dagiti bumisita iti probinsia.
