Padasen manen ni Filipina tennis star Alexandra Eala a gun-oden ti umuna a panangabak kontra iti Czech Republic player a ni Tereza Valentova iti maikatlo a panagsango da.
Naikeddeng nga agsango dagiti dua iti oras ti alas-6:30 intono rabii.
Iti napalabas a dua a laban da ket nangabak ni Valentova.
Immuna a nagsango dagiti dua iti Japan Open idi 2025, no sadinno nga inabak ti Czech player ni Eala iti straight sets, iti iskor a 6-1, 6-2.
Maikadwa a panagsango da iti Qatar Open iti Doha idi Pebrero 2026, no sadinno a nagballigi manen ni Valentova iti iskor a 7-6(6), 6-1.
Nupay kasta, sumrek ni Eala iti maikatlo a panagsango da ken ni Valentova nga addaan ti napintas a momentum kalpasan nga inabak na ni Australian player Emerson Jones, iti iskor a 6-4, 6-3, iti opening round ti Hong Kong Open.
