LAOAG CITY – Immapela ni United States President Donald Trump tapno mawaswas ti bisa hush money case nga adda pakainaiganna iti $130,000 a naibayad iti actress a ni Stormy Daniels.
Mainaig iti daytoy, sinaludsod dagiti mahistrado dagiti abogado ni Trump mainaig iti legal a pagibasaran ti apelana, pakairamanan ti panagaramat ti linteg iti pondo ti kompania ken ti pakasaritaan ti presidential immunity
Idi 2024, napaneknekan a nagbasol ni Trump iti 34 a bilang ti panangpartuat ti peke a rekord ti negosio mainaig ti nasao a bayad, a naaramid tapno saan a rumuar ti impormasion mainaig kenkuana sakbay ti 2016 presidential election na.
Nupay kasta, naglikudan ni Trump dagiti nasao nga alegasion kontra kenkuana.
Kabayatanna, saan a nagatendar ni Trump iti nasao a panagdengdengeg ken awan pay ti nairuar a desision ti korte no palubosan da ti apelana wenno ti panagdesision da mainaig iti daytoy.
