LAOAG CITY – Nag-viral ti maysa nga smartphone app idiay China a mangtultulong kadagiti masansan nga a gumatgatang iti online
Ti nasao nga smartphone app ket agitited ti naidumduma nga eksperiensia kadagiti users, no sadinno pagbobotosan nga umuna ti publiko sakbay a gatangen ti user ti maysa a produkto.
Naawagan daytoy a “Wallet, Please Wait” a ditoy a mabalin nga isubmitir ti user ti purchase request-na iti maysa a produkto a kalikagumna a gatangen, no sadinno ikabilna ditoy ti presio ken ti rasonna no apay a kayatna a gatangen ti nasao a produkto.
Mabalinna nga ipatulod ti request kadagiti kameng ti pamilyana, pagayam wenno i-post iti online ket ditoy a mabalin nga agbotos dagiti tattao no approve wenno reject ti maysa a produkto.
Malaksid iti panangbotos, mabalin pay nga ikabil dagiti nagbotos ti rasonda iti desisionda iti panagbotos.
Kabayatanna, segun iti developer ti nasao nga app, naalana ti ideya manipud iti bukodna a problema nga impulse buying.
