Inyuswat ti Department of Energy (DOE), iti babaen ken ni Undersecretary Maria Francesca Del Rosario, ti DOE WataWATT Automation Project tapno agbalin nga ad-adda a naalisto, nalaka ken naurnos dagiti serbisio ti gobierno usar ti kabaroan a teknolohia.
Mangipaay ti proyekto ti maysa nga otomatiko a sistema nga agususar ti artificial intelligence (AI) a mangrugi daytoy iti panangpapintas ti Energy Virtual One-Stop Shop (EVOSS) sakbay a mairaman ti 12 pay a sistema ti Department of Energy (DOE).
Sumagmamano kadagiti naitampo ket ti otomatiko a proseso ti trabaho, panangtingiting dagiti dokumento usar ti AI, digital a panang-aprobar, ken panagurnong dagiti impormasion iti maysa a lugar tapno naalalisto dagiti transaksion ken maliklikan ti agbayag.
Iti babaen iti nadakamat a proyekto, kalikagum ti ahensia nga agbalin a mapagtalkan, nalawa, ken adda responsibilidad kadagiti transaksion iti gobierno.
Gagem na pay a maipaayan dagiti adda ti sektor ti enerhia ken ti publiko ti ad-adda a manamanama a serbisio.
Dakkel daytoy nga addang tapno mapapintas ti sistema dagiti transaksion iti enerhia. Surportaran na pay daytoy iti ad-adda anapalawa a gagem ti pagilian para iti digital a panangidaulo ken panagdur-as ti ekonomia.












