LAOAG CITY – Mamati dagiti opisyal ti World Health Organization (WHO) a pagbalbalinen na a komplikado ti rollout ti bakuna ti ababa a shelf life ti Astrazeneca vaccines.
Daytoy ti sabali manen a karit iti agdama ti COVAX vaccine sharing project nga idadaulwan ti WHO a gagem na a maipadanun dagiti bakuna kadagiti ad-adda nga agkasapulan nga umili iti intero a lubong.
Kaadoan kadagiti 19 a pagilyan iti Africa ket expired’en ti Astrazeneca doses.
Adda ti pakabuklan a 1.3 million nga Astrazeneca vaccines ti naideklarar nga expired doses, idinto a 280,000 ti expired a J&J; 15,000 iti Moderna ken 13,000 iti Sputnik vaccine ti Russia.
Ti Astrazeneca ti maikadwa a kadakkelan a supplier ti COVAX.
Naamoan nga addan ti pakabuklan a 2.6 billion vaccine doses ti Astrazeneca ti naibunong iti intero a lubong kangrunaan na kadagiti low ken lower middle inome countries.
