LAOAG CITY – Nagpannawagan manen ni House Committee on Human Rights Chairperson ken Manila Rep. Bienvenido Abante Jr. nga agatendar a personal iti Senate impeachment court ni Bise Presidente Sara Duterte tapno direkta a sungbatanna dagiti alegasion kontra kenkuana.
Iti online press briefing ni Abante, inpettengna a ni laeng Duterte ti makabael a mangilawlawag kadagiti isyu a kontra iti opisinana.
Nupay kasta, linawlawagan ti mammanday-linteg a saan a kayat a sawen a ti pannawagnanna ket kondenarenna ti opisyal.
Sumangsango ni Duterte iti uppat nga Articles of Impeachment a pakairamanan ti di umiso a pannakausar ti confidential funds, di mailawlawag a kinabaknang, pasuksok ti Department of Education, ken pangta ken destabilization.
Segun ken ni Abante, saan a mainaig ti politika dagiti panangusig ngem no di ket maipapan iti panagsapul iti kinapudno ken panagsungbat.
