LAOAG CITY – Inlawlawag ni ABC Federated President Elmer Faylogna ti kaadda na iti ili ti Currimao idi Miyerkules, Hulyo 29 iti laksid nga adda ti COVID-19 positive iti Brgy. San Lorenzo, iti ili ti Bangui ken naipatungpal ti lockdown iti sumagmamano a paset ti barangay.
Daytoy ket gapu a naamak dagiti residente iti ili ti Currimao bayat ti kaadda na idi Miyerkules.
Kuna na nga adda ti proyekto ti liga ng mga barangay ken tinawen nga iyus-uswat da daytoy ken nangipaay da ti ayuda para kadagiti PWDs.
Segun kenni Faylogna, saan da a nagpaot iti napili da a barangay a nagturong da tapno itulod da dagiti ayuda ken paset daytoy iti panagtrabaho na.
Inbatad na nga intulod da laeng dagiti ayuda ken nagpipicture da ken dagiti opisyal ti barangay ti nagibunong di nakapanaw dan.
Umabot iti 100 a PWDs dagiti benepisyaryo ti naipaay nga ayuda.
Inbatad na a naobserbar a naimbag ti social distancing ken nakasuot da iti face mask idi napan da iti ili ti Currimao.
Kabayatanna, inpetteng ni Faylogna a saan nga intero a Brgy. San Lorenzo ti nakalockdown ngem ketdi dagiti pagtaengan iti nagpositibo iti COVID-19 agraman dagiti balay dagiti nakapulapol na.
Nagtalinaed pay laeng dagiti maseknan nga health workers iti isolation ken adda ti pannakikoornidar ti mayor da iti pannakausar ti Bangui National High School ken Bangui Central Elementary School a mapagbalin a quarantine gapu ta napunnon dagiti immuna a naiyestablisar a quarantine facility.
