LAOAG CITY – Saan a pabor ni ABC Federated President Paul Baltazar a maarmasan dagiti opisyal ti barangay ditoy probinsya.
Reaksyon daytoy ni Baltazar iti lungalong ni Presidente Rodrigo Duterte a maarmasan dagiti opisyal ti barangay iti intero a pagilyan.
Daytoy ket tapno adda proteksyon da iti kampanya kontra droga ken dadduma pay a krimen.
Inlawlawag na a kadagiti dadduma a lugar ket mabalin a maarmasan dagiti opisyal ti barangay kangrunaan na dagiti pakapaspasamakan dagiti agkakaames a krimen ken pagrarairaan iti illegal a droga.
Kuna na nga adda ti risgo na no maikkan amin ti paltog dagiti opisyal ti barangay gapu ta mabalin nga adda latta dagiti mangsar iti saan nga usto a nakaisangratan na.
Innayon na a ditoy probinsya ket arig na nagparbengen seknan iti illegal a droga.
