LAOAG CITY – Ginutigot ni ABC Federated President Elmer Faylogna dagiti pada na a kapitan ditoy Ilocos Norte a masapol nga inaldaw a maipatungpal ti “4-o‘clock habit” wenno panagdalos kangrunaan na dagiti lugar a mabalin a pagumukan dagiti lamok a carrier ti dengue iti intero nga Ilocos Norte.
Inaramid daytoy ni Faylogna kabayatan ti naudi a panagtataripnong da kadagiti pada na a kapitan tapno awan ti pagumukan dagiti lamok a carrier ti dengue.
Innayon na a plano da ti mangbukel ti maysa a grupo nga agmonitor iti pannakaimplementar ti panagdaldalos iti kada barangay iti intero a probinsya.
Inpetteng ni Faylogna a masapol nga agtitinnulong nga agdalos tapno malapdan ti agtultuloy a panagngato ti kaso ti dengue ditoy probinsya.
