Inpakaammo ni ABC Federated President Elmer Faylogna a saan da nga agkampante nupay sa nabayagen sipud nagawid ni IN-C81, lalaki, agtawen ti 28, APOR wenno Customer Service Representative, idi Agosto 17, 2020 iti residensya na iti Brgy. San Lorenzo iti ili ti Bangui.
Kuna na a kalpasan a naamwan da a nagpositibo iti COVID-19 ti pasyente ket dagus a naiyuswat ti contact tracing.
Segun kenni Faylogna, nagtalinaed ni IN-C81 iti apartment na iti Brgy 4 ditoy siudad ti Laoag ken naka home quarantine.
Innayon na nga agtultuloy ti contact tracing da kasta met iti Brgy 4 ditoy siudad ti Laoag.
Maipalagip a nakapulapol ni IN-C81, ni IN-C69, babai nga agtawen ti 37, APOR wenno Customer Service Representative ken residente iti Brgy. 40 Balatong ditoy siudad.
Kiniddaw ni Faylogna iti publiko iti panagsurot kadagiti health protocols ken kadagiti pagalagadan kontra iti panagwaras ti COVID-19.
