LAOAG CITY – Immapela ni ABC Federated President Elmer Faylogna kadagiti pada na a kakapitan ditoy probinsya nga agbalin da koma a pagwadan wenno modelo para kadagiti kabarangayan da.
Inaramid daytoy ni Faylogna kalpasan a naireklamo ni Barangay Chairman Wilfredo Limin iti Barangay Escoda iti ili ti Marcos gapu ti panangbastos na ti maysa a singer.
Inpetteng ti ABC Federated President nga isuda koma ti umuna a pakakitaan dagiti napipintas nga aramid kas mangidaulo ti barangay.
Innayon na nga agbalin da koma a modelo kadagiti kabarangayan da tapno mapagtalinaed ti linak, urnus ken talna iti masakupan da a barangay.
