LAOAG CITY – Pabor ni ABC Federated President Ryan John Pascua ti panakaipatungpal ti curfew hours kadagiti amin a barangay ditoy Ilocos Norte kas solusion maipapan iti teenage pregnancy.
Daytoy ti nagbalin a takderna kalpasan nga inrakurak ni Sen. Imee Marcos a napinpintas no mas mapaigetan ti curfew hours kadagiti amin a barangay ditoy probinsia.
Mamati daytoy a dakkel a makatulong tapno malappedan ti panagngato ti bilang dagiti ubbing nga inna.
Kunana nga adda ti ordinansana daytoy no sadino mandatory amin a barangay ket adda ti maipatungpal a curfew hours-na.
Malaksid iti daytoy, inbatadna nga ipangpangrunada dagitoy saan laeng a tapno malappedan ti panagadu ti bilang dagiti ubbing nga inna no diket tapno masigurado pay iti seguridad dagitoy.
Inpakaammona nga agtultuloy ti panagaramidda ti programa tapno ad-adda pay a mapadur-as ken maikkan ti tulong dagiti umili.
Inpanamnamana a babaen iti pannakikammayetda kadagiti kakaduana iti Liga ng mga Barangay ditoy probinsia ket makaipaayda ti napintas a serbisio publiko.
Maipalagip nga idi napalabas a tawen ket addan ti immun-unan nga inpakaammo ti Gender and Development Office nga umabot ti nasurok 200 nga ubbing ti nagbalin nga inna banag a nakaalarmaan ni Governor Matthew Marcos Manotoc.
