LAOAG CITY – Kinondenar ni ABC President Rbee Ablan ditoy ciudad ti Laoag, ti saan a panangipakaammo ni City Disaster Risk Reduction and Management Head Dr. Melvin Manuel iti situasion ti Sea Ambulance.
Daytoy ket kalpasan nga inbatad ni Dr. Manuel a kasapulan ti pangipanan ti naidiaya a sea ambulance.
Segun ken ni Ablan, nabayagan a maipalpalapayag ti nga isyu seknan iti sea ambulance ngem agpapan iti agdama a gundaway ket awan pay ti makita a solusion panggep iti nadakamat nga isyu.
Inbatadna a nu naidanon ti nasao a banag iti Local Chief Executive, ket paayaban ti Mayor dagiti maseknan a departamento tapnu mapagsasaritaan ti plano ken solusion para iti pangiparking wenno angipanan ti sea ambulance.
Maipalagip, idi bulan ti Mayo ket naipaima iti biang ti lokal a gobierno ditoy ciudad ti Laoag ti sea ambulance.
