LAOAG CITY – Inpasingked ni ABC President George Padre iti ili ti Bacarra nga adda dagiti tallo nga opisyal ti barangay nga agbanbantay nga inaldaw iti Bislak River.
Sungbat na daytoy kalpasan nga adda dagiti nangbabalaw ti maipagarop a kaawan ti lifeguards iti karayan a nakalmesan ti maysa nga ubing a taga ditoy ciudad ti Laoag.
Inpetteng ti ABC president nga ado dagiti kakadwa ti ubing ken idi nagpukaw daytoy ket saanda pulos nga inpakaammo kadakuada.
Innayon na a binukbukudan latta dagiti kakadwa ti ubing a biniruk daytoy isut gapuna a makunana nga awan ti nagkurangan da iti napasamak.
Kabayatanna, adda ti panangbabalaw ni Pedro kadagiti nagannak ti ubing gapu ta rumbeng a nakatutuk da koma latta iti daytoy.
