LAOAG CITY – Naglikudan ni ABC President Reynaldo Mariano iti ili ti Solsona ti maipagarup a panangkugtar ni Sangguniang Bayan Member Jovencio Pascua ti gate ti civic center kabayatan ti maysa nga aktibidad a pannakaibunong ti tulong babaen ti Assistance to Individual in Crisis Situation wenno AICS iti nasao nga ili.
Inlawlawag na nga adda dagiti nagpapirma kenkuana ti indigency nga umili gapu ta umawat da iti ayuda manipud ti AICS.
Gapu iti daytoy, napanunutan na ti nagturong iti civic center kadua na dagiti pada na nga opisyal.
Nasdaaw ni Mariano gapu ta idi nakadanun da iti civic center ket nakarekep ti maysa a ridaw na.
Inabatd na nga adda ti nakainuman na a tao ket intudo na iti akin abagatan a gate ti civic center ken nakita da ti bassit a gate nga adda ti nakita da nga arig agsirip kadagiti sumrek iti pasilidad.
Kabayatanna, rimwar ni Ret. Police Officer Marvin Pascua a no sadinno nga inbaga na no anya iti kaadda da iti lugar.
Iti insungbat ni Mariano nga opisyal da iti ili ket kitaen da ti mapasmasamak iti civic center idinto nga inbaga ni Pascua a sumrek dagitoy.
Iti met panangimiris ni Mariano ket nangaton ti boses ni Pascua a poon a saan dan a nagtuloy a simrek iti civic center.
Kabayatanna, innayon ni Mariano a nakarekep ti civic center iti baet a napudot ti tiempo ken adda ti nakaserra a lamisaan tapno saan a makastrek dagiti dadduma.
Kalpasan iti saanen a panagtuloy a simrek ti grupo ni ABC President Reynaldo Mariano iti ili ti Solsona, maipagarup nga adda ti saanen a napintas a panagsarita dagiti da kenni Ret. Police Officer Pascua.
Iti pannakiuman ti Bombo Radyo kenni Mariano, inakusaran ti retirado a pulis ti ABC President a pinapatay na ti sekratarya na iti kallabes.
Gapu iti daytoy, madi ti rikna ni Mariano rason a kiniddaw na ti pammaneknek ti retirado a pulis ket kinarit na a mangipila ti kaso nangruna no adda ti ebidensya.
Inbatad ni Mariano a gapu ta madin ti rikna na ket nagtalaw iti lugar ken napan iti PNP tapno agreport.
Innayon na a kalpasan ti sumagmamano a minotos ket napan met nagreport ni Pascua iti PNP.
Nakasagana met ni Mariano a mangipila ti reklamo ni Pascua ken ti agnagan ti Nemalyn.
