LAOAG CITY – Inladawan ti abogado ni Leyte 1st District Representative Martin Romualdez a ni Ade Fajardo kas ‘true hearbreak moment’ ti pammilin ti Sandiganbayan nga maiyakar ti kliyente na manipud Cardinal Santos Medical Center nga agturong iti Philippine General Hospital (PGH) para iti pannakaipadalanna ti medical examination.
Impetteng ni Fajardo a seryoso ken dokumentado dagiti kondision ni Romualdez ken saan a sinsinan daytoy.
Kunana nga adda dagiti pre-existing conditions ti dati nga House speaker, pakairamanan ti immunan nga operasion ken silent strokes a kinumpirmaran dagiti doktorna.
Kabayatanna, pinaneknekan ti psychiatrist ni Romualdez a ni Dr. Lourdes Ignacio a na-diagnose ti dati nga agpampanday-linteg ti depressive disorder nga anxiety.
Segun kenkuana, adda pay pakainaigan daytoy iti heart ken brain-related conditions-na ken naipaayan ti oral medications ken regular mindfulness sessions.
Immunan nga inbatad ti cardiologist-na a mabalin a kasapulanna pay ti uppat agingga innem a lawas a recovery gapu iti stress.
