LAOAG CITY – Nagkiddaw manen iti Pre Trial Chamber ti International Criminal Court ni Atty. Nicholas Kaufman ti abugado ni dati a Presidente Rodrigo Duterte para iti temporario a pannakawaya-waya ti dati a Presidente iti saanen a dinakamat pay a pagilian.
Daytoy ti maikadua a gundaway a kiniddaw ti kampo ni Duterte a temporario a makaruar iti detention facility ti International Criminal Court.
Inpasigurado ti abugado ni Duterte nga agtungpalda iti kondision ken makitinnulong iti korte no bilang mapatgan ti kiddawda.
Ti dokumento ket addaan ti petsa nga Agosto 19, 2025.
Immuna a nagkiddaw idi Hunio ti abugado ni Duterte iti Atty. Nicholas Kaufman a waya-wayaan isuna iti saan a nainbuksilan a pagilian.
Naipadamag nga immannugot ti saanen a nadakamat a pagilian a tulungan ti dati a lider.
Inbatad ni Kaufman iti pinirmaanna a dokumento a kinumpirmaran ti prosekusion a saan a kontraen ti temporario a pannakawaya-waya ni Duterte.
Iti agdama, nagtalinaed a nakabalud ni Duterte idiay The Hague, Netherlands kabayatan a maiyur-uray iti pannakatingitingna para kadagiti kaso a crimes against humanity mainaig iti war on drugs-na idi Mayor idiay Davao City ken idi Presidente ditoy Pilipinas.
