LAOAG CITY – Binallaagan ni House Deputy Majority Leader Rep. Erwin Tulfo ti Department of Agriculture (DA) iti panangidaulo ni Sec. Francisco Tiu Laurel a rugianen a tiliwen dagiti managgundaway a rice importers ken traders ditoy pagilian gapu iti agtultuloy a nangato a presyio ti bagas iti merkado.
Inbatad ni Cong. Tulfo, P35 iti kada kilo ti imported rice apaman a makaruar iti pier ngem no apay awan ti makita a bagas a nababbaba ngem P50 iti kada kilo iti tiendaan.
Inlawlawag ti ACT-CIS partylist Representative, bimmaba ti presio ti bagas iti ballasiw-taaw a naggappoan dagiti imported rice.
Kunana a bimmaba pay ti taripa kadagiti imported a bagas isu a nasken laeng a bumaba met ti presio ti bagas iti tiendaan.
