LAOAG CITY – Ngumatngato ti acceptance rate dagiti nagannak ditoy probinsiya maipanggep iti national immunization program.
Daytoy ti inpakaammo ni Dr Rickson Balalio, ti mangidadaulo iti Provincial Health Office.
Inbatad na nga iti agdama ket addan dagiti nagannak a boluntaryon a mangiyasideg a mismo kadagiti annak na tapno mabakunaan.
Maipalagip a kadagiti naglabas a panawen ket ado dagiti nagannak nga agkedked a mangpabakuna kadagiti annak na gapu iti nagduduma a rason, karaman ditoyen ti maipagarop a negatibo nga epekto ti dengvaxia vaccine.
Innayon na a no agtultuloy ti panangawat dagiti nagannak kadagiti bakuna para kadagiti annak da ket ti laengen possible nga agbalin a problema ket ti pannakadelay dagiti bakuna manipod iti Department of Health.
Inpakaammo na a daytoy ket centrally procured ken saan da a makontrol nu adda ti pannakadelay ti pannakaideliver dagiti bakuna.
Inrakurak na pay a karaman kadagiti bakuna a maipaay ket dagiti anti-measles, ruvella, tuberculosis, anti-tetano, pertussis, dipteria ken dadduma pay.
