LAOAG CITY – Nakaawat ti relief packs dagiti 70 a pamilya iti dua a sitio iti Brgy. Suba iti ili ti Paoay.
Daytoy ti inbatad ni Mr. Belfrank Duldulao, provincial director ti Accert Ilocos Norte Chapter kalpasan a nangibunong da ti tulong kadagiti maseknan.
Kuna na a nangted da ti relief packs iti sitio siete ken sitio diyes iti nasao a barangay.
Inbatad ni Duldulao nga iti pamilya da ken dagiti kabarangayan da ti nangted ti tulong kadagiti bumarangay kadagiti nadakamat a sitio.
Ginutigot na dagiti kabarangayan na a tulungan dagiti awanan gapu ti panagsardeng ti trabaho da gubuay ti enhanced community quarantine.
Kabayatanna, agtultuloy met panangtulong da ken panagserbi kas frontliners iti checkpoint agraman dagiti kakadua na iti Accert Ilocos Norte Chapter.
