LAOAG CITY – Ibilang ni Bombo International News Correspondent Emman Mijares idiay Chicago, Illinois nga agbalin a napintas a kapadasan ti panagbutos ita a tawen gapo ta daytoy ti ummuna a gundaway a makapili ti agbalin a presidente ti Amerika.
Segun kenni Mijares, agpada nga adda ti napintas nga intensyon dagiti dua a kandidato ti kina-presidente.
Inbatad na nga adda ti plataporma ni Democratic candidate Joe Biden a nalawag kas iti climate change idinto a ni Pesidente Donald Trump ket napintas met ti plano na para iti business sector para iti ekonomiya ti pagilyan da
Kuna ni Mijares nga idiya Chicago ket ad-ado democrat isu nga adda ti posibilidad na a napigpigsa ni Biden iti nasao a lugar.
Kabayatanna, innayon ni Mijares a saan pay a nagbutos iti agdama gapo adalen na pay a nalaing dagiti plano da Trump ken Biden para iti pagilyan da.
