LAOAG CITY – Nagballaag ni Alliance of Concerned Teachers (ACT) Philippines nga ad-adda laeng a dumakkel ti utang dagiti mangisursuro no saan a maipangato ti sweldo da.
Segun Ken ni ACT Chairperson Ruby Bernardo, uray makaallukoy ti nagatiddog a loan terms, saanna a masolbar ti kangrunaan a rason ti problema, daytoy ket ti nababa a sweldo.
Inpetteng na a mailumlom latta ti utang dagiti mangisursuro no saan a maipangato ti sweldo da ken ti sangkaabassit a benepisyo da.
Inrakurak ti Alliance of Concerned Teachers a mapilitan dagiti mangisursuro nga agutang Latta para iti inaldaw a paggastusan Ken panagbayad iti dati nga utang da.
Inpaganetget na nga agutang dagiti mangisursuro saan a para iti pagpagarbo da iti biag no di ket para iti makan, Renta, kuryente, edukasyon dagiti annak, salun-at ken paggastusan iti pagadalan
Ginutigot ti ACT ti gobyerno ken Kongreso a mangipaay ti P50,000 starting salary para kadagiti public school teachers, tapno saanda a mangnamnama ti panagutang.
