LAOAG CITY – Kinondenar ni ACT Teachers Representative France Castro ti kinuna ni Presidente Ferdinand Bongbong Marcos Jr. a “waste of time” ti panangipila ti impeachment complaint kontra ken ni Vice President Sara Duterte.
Daytoy ket kalpasan a nag-file ti Makabayan Bloc ti impeachment complaint kontra iti bise presidente idi Desiembre 4.
Segun ken ni Castro, saan a pudno a makaistorbo ken masayang ti oras ti House of Representatives iti impeachment proceedings.
Innayonna a saan a panangsayang iti panawen ti impeachment kontra ken iti bise presidente, nangruna ta adda pakainaiganna iti isyu ti nasurok 600 million pesos a maipagarup nga anomalia iti gobierno.
Kinunana kas maysa maikadua a kangatuan nga opisial ti pagilian, masapul laeng a sangaune ni Duterte ti responsibilidad a masapul a masungbatan ti amipanggeo iti saan nga umiso a panaggasto iti pondo ti publiko.
Mainaig iti daytoy, kuna ni Castro a nasken a saan na nga unnaan ti desision dagiti senador ken kamara nangruna no mainaig iti impeachment.
Kabayatanna, kinuna ni Castro a nasurok a 70 nga indibidual manipod iti nagduduma a sektor ti nagpila iti maikadua nga impeachment complaint kontra ken ni Duterte.
