LAOAG CITY – Inlawlawag ni Acting Brgy. Chairman Charles Gagarin iti Brgy. 20 ditoy ciudad ti Laoag nga awan ti printer ken laptop nga usarenda, rason nga ipatulodna dagiti residente nga agkalikagum nga mangala ti Brgy. Certificate ken Brgy. Clearance iti Sangguniang Kabataan President iti nadakamat a barangay.
Inpettengna saanda a pagpipinannasaan dagiti residente gapu ta dagos met laeng nga ipaay ti Sangguniang Kabataan President ken Brgy. Secretary dagiti masapola dokumento a naggapo iti barangay.
Kinunana nga iyan-anus dagiti kabarangayanda ti mapan iti pagtaengan ti Sangguniang Kabataan President.
Segun ken ni Gagarin ti Laptop ken printer a kukua ti barangay ket masansan nga agperdi no sadinno namitlo a natarimaanen ti printer ti barangay.
Mainaig iti daytoy, naglikudanna ti isyu nga awan ti kagawad a naka-duty iti barangayda no sadinno kinunana nga agsisinublat dagitoy nga agbantay.
Kabayatanna, inbatad ni Gagarin nga iti agdama ket awan ti kuriente ti barangay hall iti lugarda gapu ta mannarimaan ti proseso ti pannakakabit ti linya iti daytoy.
