LAOAG CITY – Inlawlawag ni Mr. Cipriano “Perry” Martinez, ti Acting General Manager iti Ilocos Norte Electric Cooperative no apay a naibayag ti pannakaisubli ti suplay ti kuryente kalpasan ti nagsasaruno nga iduduprak ti bagyo ditoy probinsya.
Inbatad na nga ado dagiti naperdi a poste ti kuryente a kasapulan a matarimaan, sabali pay dagiti naminpinsan a nasukatan.
Segun kenni Martinez, umabot iti nasurok a 20 a poste ti kuryente dagiti nadadael gapu kadagiti bagyo a dimmuprak ditoy probinsya.
Innayon na nga iti laengen ili ti Pagudpud ket adon dagiti nasken a matarimaan a linya ti kuryente.
