LAOAG CITY – Inpetteng ni SFO4 Anthony Talaro, ti Acting Municipal Fire Marshal ti Bureau of Fire Protection iti ili ti Currimao nga awan ti kinapudno na ti alegasion a maibatbato kontra kenkuana.
Daytoy ket kalpasan nga adda ti naipadanon iti biang ti Bombo Radyo Laoag a maipagarup nga agpatpatukar a napigsa ti maseknan nga opisyal iti laksid a parbangonen a makaitunda ti saanen nga agpakaturog kadagiti maseknan a kabaranggayanna iti Brgy. Navotas iti ciudad ti Laoag.
Mainaig iti daytoy, naglikudan pay ni SFO4 Talaro nga awan dagiti kakadua na a bombero a mapmapan iti pagtaengan da a makatagari.
Inlawlawagna a mamati daytoy nga adda ti gura ti nangipadanon ti reklamo kenkuana gapu ta adda manen ti kastoy a reklamo itay napan a lawas banag a naigetna a naglikudan.
Kunana a nasaysayaat a mapagsasaritaan daytoy a banag iti Barangay da tapno mapagnunumoan dagiti rumbeng nga addang a maaramid.
Kabayatanna, kalikagum ni SFO4 Talaro a maammoan ti nangireklamo kenkuana tapno sungbatanna dagiti maibatbato nga alegasion kontra iti daytoy.
