LAOAG CITY – Inbatad ni Acting Mayor Vicentito Lazo ditoy ciudad ti Laoag nga imbestigaren da a naimbag ti maipagarop a nangina unay a non-infra project a naibunong kadagiti ngduduma a barangay ditoy ciudad.
Karaman ditoy ti nagatang nga electric bike a naited iti Barangay 57, Pila ditoy ciudad ti Laoag.
Naamoan a saan pay nga e-bike ti kiniddaw ni Barangay Chairwoman Erlinda Foster iti nadakamat a barangay ngem isu ti naited iti barangay da.
Gapu iti daytoy, inbatad ni Foster a masapol a kitaen da a naimbag ti listaan ti no mano ti nailatang a pondo para ti e-bike sakbay da nga agkomento.
Inpetteng ni Foster a nangina unay ti e-bike gapu ta 30 ribo a pisos laeng ti presyo daytoy idinto a ti maibagbaga a pinanggatang ti gobierno ditoy ciudad ti Laoag ket 64 ribo a pisos.
Inkalintegan met ni Mr. Ferdinand Macugay, ti Executive Secretary ni Mayor Michael Marcos-Keon a ti 64 ribo a pisos ket presyo pay laeng itay napan a tawen.
Innayon na a limmaka ti e-bike ita a tawen gapu ta adon dagiti pagliyan ken mabalin a magatang.
