LAOAG CITY – Naideportaren ti Israel ni Swedish campaigner Greta Thunberg maysa nga aldaw kalpasan a nalappedan ti naglugananna nga aid boat.
Basar iti Israel foreign ministry office, kaduana dagiti 11 a dadduma pay a naipalugan iti flight nga agturong idiay France.
Naglikudan ti Israel ti alegasion ni Thunberg nga hinostage-da daytoy kabayatanna nga adda isuna iti international waters.
Naammoan a lima kadagiti kakadua ni Thunberg ket kailianda no sadinno a nagpirma pay dagitoy ti deportation order.
Maipalagip a nalappedan ti Israel Forces iti Mediterranean Sea ti barko a nagluganan ti nalatak nga environmentalist.
Inpetteng met ti aktibista a nagluganda iti Madleen aid ship tapno mangitulod ti tulong idiay Gaza.
