LAOAG CITY – Ad-adda pay a limmawa dagiti lugar a pakaiwaywayatan ti nadamsak a tignay-protesta idiay Iran.
Basar kadagiti video nga agwarwaras manipod kadagiti sumagmamano a lugar iti Iran, mabuya ti panagpalto-paltog ti security forces iti ayan dagiti naruay a protesters ken agus-usar da pay ti tear gas.
Inrakurak ti US-based Human Rights Activist News Agency (HRANA) nga iti agdama ket addan ti 111 a ciudad ken ili manipod iti 31 a probinsya ti pakapaspasamakan ti nadamsak a tignay-protesta.
Immunan a naireport nga umaboten iti 34 a protesters ken uppat a security personnel ti natay idinto a 2,200 a protesters dagiti naarestar kabayatan ti tignay-protesta.
