LAOAG CITY – Ad-ado pay laeng dagiti residente idiay Arizona a mangayat ken ni US President Donald Trump.
Daytoy ti report ni Bombo International Correspondent Lea Bonoan-Dacuycuy, taga Bacarra, Ilocos Norte ngem agdama nga agnanaed idiay Tempe, Arizona.
Inbatad ni Dacuycuy a magustuwan dagiti taga Arizona ni Presidente Trump gapu ta masansan idi a mapan bumisita iti lugar kangrunaan na idi kangitingitan ti covid-19 pandemic.
Nupay kasta, kuna ni Dacuycuy a ti maysa a kalkalikaguman da ket ti pannakaipasa koman ti stimulus fund gapu ta iti baet nga ado ti trabaho idiay Arizona ket ado met dagiti nagkissay ti empleado na gapu iti epekto ti pandemya.
Gapu iti daytoy, kasapulan dagiti umili ti tulong pinansyal manipod iti gobierno.
