ADB, manipaay ti pautang nga aggatad ti $1.7-B para iti Philippine Expressway

Inaprobaran ti Asian Development Bank (ADB) ti $1.7 billion a pautang para iti proyekto a Laguna Lakeshore Road Network ditoy Pilipinas.

Panggep daytoy a proyekto ti pannakapasayaat ti transportasion manipud Metro Manila agingga iti Calabarzon babaen ti 37.4-kilometer expressway a dumanon manipud Taguig City agingga iti Calamba City.

Mapatta-patta a makatulong daytoy iti pannakarisut ti trapiko ken alalisto a pannakaibiahe dagiti tagilako.

Kabayatanna, karaman pay iti proyekto ti pannakaipasdek dagiti flood control measures tapno masalakniban dagiti komunidad iti asideg ti Laguna de Bay manipud iti layus.