LAOAG CITY – Adda manen dagiti sumagmamano a drug surrenderers a nagsubli iti illegal nga aktibidad da idiay Dingras, Ilocos Norte.
Daytoy ti kinumpirmaran ni Police Senior Inspector Christian Sorsano, ti chief of police iti ili a Dingras.
Malaksid iti daytoy, adda pay dagiti newly identified drug personalities iti ili a Dingras.
Gapu ti daytoy, kuna ni Sorsano a naiget ti panagmonitor ken panag-validate da sakbay nga iyuswatan da iti operasyon dagiti maseknan.
Kabayatanna, inpakaammo ni Sorsano a ti natiliw da iti drug buy-bust operation idi kalman a ni Darwin Taylan ket iyur-uray da pay laeng ti resulta ti idadalan na iti eksaminasyon sakbay nga ipilaan da ti kaso.
