LAOAG CITY – Adda pay laeng ti karga dagiti sumagmamano nga small farm reservoir iti ciudad ti Batac.
Daytoy ti inpakaammo ni Mr. Mark Abad, ti City Agriculturist iti ciudad ti Batac.
Inlawlawag ni Abad a dagiti small farm reservoir ket isu ti pagal-alaan dagiti mannalon ti pagpadanum da kadagiti mula da no nakisang ti danom.
Inbatad pay ni Abad nga iti baet nga adda dagiti usaren a pagpadanum ket adda dagiti sumagmamano a mannalon a saanen a nagraep iti second crop.
Innayon na a nagmula laengen dagiti dadduma a mannalon kadagiti saan unay nga agkasapulan ti nabuslon a danom kas ti balatong ken sabsabali pay.
