LAOAG CITY – Inpakaammo ni Miss Antonette Bareng iti Business Permit and Licensing Office wenno BPLO nga adda pay ti nasurok a sangaribo a business owners iti saan a nakairenew iti business permit na ditoy ciudad ti Laoag.
Kuna na a daytoy ti makaigapu nga inyalud-od da manen ti panagirenew ti business permit ditoy ciudad agingga intuno Pebrero 28 ita a tawen.
Inbatad ni Bareng a basar iti datos iti opisina da, adda iti 4,500 a bilang dagiti nakarehistron iti business permit no sadinno nga adda ti 31 a baro a business owners a nakarehistro.
Nadismaya ni Bareng gapu ta basar iti obserbasyon na ket tunggal maiyalud-od ti panagirenew ti business permit ket iyaleng-aleng met dagiti negosyante ti mapan iti opisina da.
Nupay kasta, ti patien ni Bareng a maysa a rason no apay adda dagiti negosyante a saan a dagus a mapan makairenew ti business permit na ket gapu ta awan ti usaren da a kwarta.
