LAOAG CITY – Inlawlawag ni Dr. Liza Marie Paz-Tan, maysa a dermatologist dagiti epekto ti alcohol ken clorox iti kudil.
Kuna na a possible nga agsagaba ti maseknan iti contact dermatitis, nga arig a maiyuper ti kudil kadagiti nasao a kemikal.
Segun kenni Dr. Tan, masapul a maamuan ti concentration ti clorox kas ehemplo, ti kapintasan a concentration ti nasao a kemikal ket 1:9 ratio.
Inbatad na a no sumubra ti kaadu ti clorox ket possible nga agbadu ti kudil.
Inbalakad na a saan unay a pagpaoten ti alcohol ken clorox iti kudil tapno saan a makapasar contact dermatitis.
Insegida a bugwan iti danum no aksidente a maibukbok ti clorox iti parte ti kudil.
Innayon ni Dr. Tan a liklikan a maikkan ti alcohol wenno clorox ti mata gapu ta possible a mangitunda daytoy iti panagbulsek.
ItiMainaig iti daytoy, kuna ni Dr. Tan a liklikan ti agusar ti hot sanitizer nga addaan ti alcohol.
Daytoy ket gapu ta possible a mairita wenno mauram ti kudil.
Segun kenni Dr. Tan, liklikan ti agipan ti alchohol no aglutluto gapu ta possible nga aggil-ayab ti kudil nga addaan ti alcohol.
Kuna na a no masindian ti alcohol ket saan unay a makita ti apoy na.
Nupay kasta, no bilang adda ti nakapasar ti pannakauram ti kudil ket bugwan iti nalamiis a danum wenno ikkan ti ice ti naapektaran a kudil.
Binalakadan ni Dr. Tan ti publiko dagiti wagas tapno maliklikan a madissoan da ti coronavirus disease.
Kuna na a nasken nga agusar ti alcohol nga addaan ti concentration a 60% agingga iti 70% tapno mapatay na dagiti mikrobio nga adda iti kudil.
Inbatad ni Dr. Tan a pasuyutan ti alcohol dagiti handle ti grocery basket wenno grocery cart ken dadduma pay a kanayun a maigiggaman tapno matay dagiti nakakapet a mikrobio.
Mabalin pay ti agusar ti naingpis a gloves no mapan aggrocery dagiti maseknan.
