LAOAG CITY – MAngipamatmat laeng nga adda ti kolor pulitika iti nagbaetan ti gobierno probinsyal ken iti Kongreso iti panangipakpakita iti publiko ti kuwarto a pakaibaludan ni Gov. Imee Marcos.
Daytoy ket no saan nga agpakita intono Hulyo 25 ti gobernador iti sumuno a hearing idiay Kongreso iti maipagarop a misused of funds ti gobierno probinsyal iti excise tax ti tabako ket ma-contempt.
Reaksiyon daytoy ni Sang. Panlalawigan Member Atty. Vicentito Lazo, maysa kadagiti abogado ti Ilocos 6.
Kuna ni Lazo a pulitika laeng iti lokal ti mapaspasamak ken saanen nga in-aid of legislation.
Agamak ni Lazo ta amangan ta no agatendar ti gobernador ken agsungbat kadagiti saludsod ti komite ket saan da a kayat ti sungbat na kas kadagiti napasamak kadagiti Ilocos 6 a nakabalod iti agdama.
Nagapela ti Bokal kadagiti Kongresista nga agtrabaho da kadagiti importante a banag kas kadagiti national issues saan ketdi a pinnulitika.
