LAOAG CITY – Inpasingked ni Mayor Cresente Garcia iti ili ti Burgos nga adda ti nakasagana a tulong para kadagiti residente no bilang agpaot ti pannakaipwil ti panagkalap iti baybay gapu pay laeng ti ballaag manipud iti Philippine Space Agency seknan ti space rocket nga inpatayab ti China idi rabii ti Martes.
Kuna na a dagus met a naballaagan dagiti kailian na iti ili ti Burgos a saan da pay laeng tumapog iti baybay agingga nga awan ti maawat da a mandar manipud iti gobyerno probinsyal iti pannakaipalubos ti panagturong iti baybay.
Babaen iti daytoy ket tapno malappedan anyaman a mapasamak a desgrasya.
Kabayatanna, inpakaammo ni Pol. Col. Julius Suriben, Acting Provincial Director ti Ilocos Norte Police Provincial Office a nakafull alert dagiti pannakabagi ti linteg kadagiti possible a mapasamak.
Inadmitir na nga awan ti naan-anay nga impormasyon no kasano ti kadakkel ti debris a possible a maregreg iti manipud iti rocket.
Innayon ni Suriben nga awan ti rumbeng a pagbutngan dagiti residente gapu ta debris daytoy nga agdisso iti baybay.
Maipalagip a nagballaigi ti China a nangipatayab ti Long March 7A carrier rocket tapno maipan ti Zhongxing-1E satellite iti orbit ti lubong.
Gagem ti China a mapapintas ti kumunikasyon, iti radyo ken telebisyon, ken dadduma pay iti biang ti kumunikasyon.
