LAOAG CITY – Kinumpirmaran ni Engr. Roy Tomas, city engineer ditoy siudad ti Laoag nga adda ti maisumitir a report seknan dagiti unserviceable, wenno matarimaan a lugan ti lokal a gobyerno ditoy siudad.
Inlawlawag na nga adda iti tinawen a report a maisumitir iti General Service Office.
Kuna ni Tomas nga uray dagiti materyales a mausar iti panagtarimaan ket maireport.
Inbunannag na nga addaan iti 22 nga equipment ken dumptruck ken tallo met dagiti unserviceable a lugan ti lokal a gobyerno ditoy siudad ti Laoag.
Mainaig iti daytoy, inbatad pay ni Engr. Tomas nga iti biang iti panagiyisyu ti gasoline slip wenno krudo ket adda ti pannakamonitor na.
Inlawlawag na a naikkan iti Global Positioning System (GPS) dagiti lugan kasta met Odometer kadagiti daan a lugan wenno equipment tapno mamonitor iti kaadayu ti biahe da.
