LAOAG CITY – Kinumpirmaran ni Incoming Mayor Michael Marcos Keon nga adda ti maikkat ken mainayon nga empelado iti City Hall iti panagtugaw na.
Segun kenni Keon, awan ti problema kenkuana uray dagiti agdama nga empleado ket saan da nga inbutos isuna itay napalabas nga eleksyon no laketdi awan ti basol da.
Nupay kasta, kunana a dagiti tattao a nalabes iti inaramid na kontra kadakuada ket masapol a sangwen da ti resulta ti aksyon da.
Inlawlawag na a saan a maibilang a “witch act” daytoy no diket paset laeng iti panagbalbaliw.
Inbatad na nga awan ti rumbeng a pagbutngan dagiti awan ti aramid na.
Kunana pay a dagiti ikkaten na nga empleado ket kasarita na a personal.
Kabayatanna, kuna ni Keon nga agdependar kenni Outgoing Mayor Chyvylle Fariñas no makikinnita kenkuana sakbay ti panagtugaw na kas baro a mayor ditoy ciudad.
