LAOAG CITY – Ibilang ni Barangay Chairwoman Theresa Sucab iti Brgy. 2 iti ili ti Vintar nga adu dagiti behikulo nga agdalyasat iti General Luna Street ken Bonifacio Street iti nasao a lugar.
Kuna na a daytoy ti rason nga ipawpawil da iti agparking wenno agterminal kadagiti nasao a kalsada.
Segun kenni Sucag, adda ti mandar ti munisipyo ken adda ti ordinansa seknan ti “no parking”.
Inbatad na a naibaga met iti barangay da seknan iti nasao a paglintegan.
Daytoy ket mainaig iti reklamo ti maysa a traffic violator a nasita ti maysa a barangay kagawad.
Mainaig iti daytoy, inlawlawag ni Kagawad Albert Celorico no kasano na a sinita ti traffic violator a taga Brgy. Isic-isic iti nasao nga ili.
Daytoy ket gapu ta ti alegasyon ket addaan ti kaadayo a 30 a metro ti no parking sign manipud iti nagparkingan na.
Kuna na nga idi sinita na ti traffic violator ket maipagarup nga ipasa na ti nasalungasing na iti paglintegan.
Inbatad ni Celorico nga awan ti lisensya, ken or/cr ti motorsiklo ti driver ti motorsiklo rason a naticketan gapu ti illegal parking agraman dagiti tallo pay a behikulo a nakaparking.
Segun iti kagawad, saan a nagriri dagiti immuna a naticketan malaksid ti taga Isic-isic.
Kuna na nga inpatungpal da laeng ti paglintegan ken inpakaammo da ti nasao nga addang sakbay iti panagtiliw da.
