LAOAG CITY – Addon dagiti nakapagbutos iti presidential election iti Petersburg, Alaska.
Daytoy ti inpakaamo ni Bombo International News Correspondent Melva Yere Randrup iti Petersburg, Alaska ngem tubo iti ili ti Currimao.
Segun kenkuana, nangrugi ti panagbutos iti estado da idi Oktubre 19 ita a tawen ken addan nasurok 90 a milyon ti nakapagbutos iti intero nga estados unidos.
Nu pay kasta, kuna na a kaadoan a nagbutos iti Alaska ket babaen iti personal voting.
Kuna na nga ad-ado ti mangayat ti personal a panagbutos gapu ta adda ti panagamak da a saan a maipatulod ti botos nu babaen iti mail-in voting.
Mainaig iti daytoy, inbatadna a naiget a masursurot dagiti health protocols kas iti social distancing ken panagisuot ti face mask iti personal voting.
Innayun na a ti Alaska ket estado dagiti republicans ngem para kenkuana, kayat na nga agballigi ti presidente nga ammo na ti mangrespetar iti babbai ken dagiti sabali a lahi a residente iti Amerika.
