LAOAG CITY – Kinumpirmaran ni Mr. Noel Andres, information officer iti Ilocos Norte Electric Cooperative, nga adda ti police escort dagiti agputol gapu ti kaso ti panagtakaw ti kuryente.
Kuna na nga awan ti pammilin ti INEC nga addaan ti police escort dagiti agputol kadagiti
a saan a nakabayad ti electric bill.
Segun kenni Andres, dagiti maputputulan ket dagiti nabayagen a saan a makabayad ti bill ti kuryente no sadinno a dimmakelen ti bayadan dagitoy.
Inlawlawag na a dagiti maputolan ket dagiti addaan ti existing account sipud nangrugi ti pandemiya wenno pannakaipatungpal ti lockdown ditoy probinsya.
Kinumpirmaran ni Andres nga addan ti dua a naputolan gapu ti panagtakaw ti kuryente.
Inbatad na a saan pay a nagputol ti INEC kadagiti member consumer a nakagastar iti 40 kilo watt hour agpababa wenno agpangato agingga iti panagngudo ti tawen 2020.
Mainaig iti daytoy, karaman a saan a maputolan dagiti addaan ti bayadan iti 400 a pisos agpababa ken uray dagiti addaan iti innem a pisos a bill ti kuryente.
Naragsak ni Andres nga adda ti 80 a porsiento dagiti member consumer ti nagbayad bayat ti pandemiya idinto a 20 a porsiento dagiti saan a nakabayad wenno dagiti saan a maputolan, basar iti kaudian a datus.
Innayon na a rumbeng a maputolan ita a Disyembre dagiti maseknan a saan a nakabayad ti bill na idi bulan ti Oktubre.
Kabayatanna, inlawlawag ni Mr. Andres, a napan na kinita ti sitwasyon ti maseknan mainaig iti agarup tallo a pisos laeng ti bill ti kuryente na.
Daytoy ket mainaig iti naipost iti facebook agraman ti ladawan ti electric bill nga addaan laeng iti nasurok dua a pisos a bayadan na idi ta agus-usar pay ti aircon.
Kuna na a saan a maymaysa ti account ti maseknan ngem ketdi lima nga account gapu ta addaan ti imanmaniher nga apartment.
Segun kenni Andres, awan ti aggigiyan iti apartment rason a nasurok dua a pisos laeng ti bill na ti kuryente iti dayta nga account.
